Өзбекстанда уулу апасын балта менен мыкаачылык менен өлтүрдү

Сурхандарыя облусунда эркек киши апасын балта менен өлтүрдү. Бул тууралуу “Миллар” программасы билдирди.

 Маалым болгондой, 1987-жылы туулган уулу спирт ичимдиктерин ичүү үчүн апасынан акча сураган. Натыйжада алардын ортосунда чыр чыккан.

 Иштин материалдарына ылайык, соттолуучу үйгө мас абалында келип, апасы менен уруша кетип, аны балта менен чаап кеткен.

 Бул жагдай боюнча сот иши кылмыш иштери боюнча Денов райондук сотунда каралды. Соттун өкүмү менен соттолуучу Кылмыш-жаза кодексинин 97-беренесинин (Атайылап киши өлтүрүү) “в”, “ж” пункттарында көрсөтүлгөн кылмышты жасагандыгы үчүн күнөөлүү деп табылып, 18 жылга эркинен ажыратылды.